Грийнэст Трэвел компанидаа баярлалаа! Би гадаадын улс орнуудад аялангаа өндөр ууланд авиралт хийх, явган алхах хоббитой бөгөөд арлын Япон оронд аялж амрангаа тус орны хамгийн өндөрлөг цэг, үзэсгэлэнтэй Фүжи ууланд авиралт хийх, дорно зүгээс тэрхүү уулын оройд нар хэрхэн мандах тэр торгон агшныг харах хүсэл зорилготой байлаа. Грийнэст Трэвел ХХК 2026 оны 8 сарын 25-29-нд Фүжи уулын авиралт (climbing) хийх баг бүрдүүлж “Тусгай аялал” зохион байгуулж миний энэхүү зорилгыг биелүүлсэнд би их ТАЛАРХАЖ байгаа. Фүжи ууланд авиралт хийх 4 замаас бид “Yoshida trail” замыг сонгосон, уулын огцом өгсүүр, бартаа саад, хад асгатай, галт уулын нуранги бутархаг шороотой зам амаргүй байсан хэдий ч ууланд авирах туршлагатай Япон Улсын хөтөч Имонато Кэн сан мэргэжлийн заавар зөвлөмж, аюулгүй байдлыг бүрэн хангаж, зоригжуулж урам өгсний хүчинд бид оргилд амжилттай гарч чадсан юм. Түүнээс гадна ногоон гэрлээр нэгэн зэрэг олон хүн нэвтэрдэг “Шибуяа” уулзвар, эзэндээ үнэнч “Хачико” нохойны хөшөө, 1707 онд Фүжи галт уул хамгийн сүүлд дэлбэрэхэд үүссэн 5 нуурын нэг болох үзэсгэлэнт “Кавагүчи” нуур, Одайба арал, Солонгон гүүр, Эрх чөлөөний хөшөө, аварга том робот, “Tokyo Sky tree” цамхаг, Асакүса дүүрэгт орших Шинто шашны эртний буддын “Сэнсожи” сүм, хогны эсрэг сайн дураараа үзүүлж буй “Самурай нар”-ын үзүүлбэр, Uniqlo сүлжээ дэлгүүр, Японы үндэсний брэнд хоол Сүши загас, амт үнэр гэж үнэн тасархай алдарт “Nama Chocolate Royce” шоколад, амтат зайрмаг, аяны алжаалыг тайлах тохь тухтай, хоол цай сайтай “Toyoko inn” зочид буудал энэ бүгд манай аяллын салшгүй нэг хэсэг билээ. Япон Улсын үзэсгэлэнтэй алдартай Фүжи ууланд авиралт хийх тусгай хөтөлбөртэй аяллыг чадварлаг сайн зохион байгуулсан Грийнэст трэвел ХХК, захирал Батсүрэнгийн ЭРДЭНЭТУЯА, Япон талын захирал Косүкэ НИШИМОТО сан, уулын хөтөч КЭН сан, болон хамтран аяласан найрсаг хөгжилтэй багийн хамт олондоо гүн ТАЛАРХАЛ илэрхийлье! “АЯЛАЛ” бол “АМЬДРАЛ” гэж ярьдаг болсон энэ цаг үед хэзээ ч мартагдахааргүй тод дурсамжтай аялал бол ФҮЖИ уулын энэхүү тусгай аялал байлаа.
