Брэнд аялал

Фүжи ууланд авирах аялал

Жил бүрийн 7,8,9 дүгээр сард л Фүжи уулын авиралтын зам нээгддэг — энэ бол Японы хамгийн өндөр, хамгийн алдартай уул (3,776м)!

☀️ Цас хайлж, замууд нээлттэй болдог цор ганц улирал бол зун. Энэ хугацаанд л албан ёсны бууцанд хоноглож, наран мандахыг уулын орой дээрээс харах боломжтой.

🌄 Бид энэ зуны улиралд тусгайлсан Фүжи уулын авиралтын хөтөлбөр 8 сарын 25-29 нд зохион байгуулж байна.

Аяллын хугацаа: 8 сарын 25-29/ 4 шөнө 5 өдөр

Аяллын үнэ: 5,890,000₮

Өдөр 1

Улаанбаатар -Нарита -Токио - Яманаши муж

Чингис Хаан ОУ-ын нисэх онгоцны буудал дээр өглөөний 04:30 цагт цуглана. MO901 дугаартай AEROMON компанийн онгоц 09:00 цагт хөөрч Япон улсын Нарита ОУ-ын нисэх онгоцны буудал дээр 14:30 цагт бууна. Хилээр гарсны дараа Японы аяллын компанийн хөтөчтэй уулзан автобусаар 1 цаг яваад Токио хотын Одайба арал дээр очно. Орой Фүжи уулын ойролцоо зочид буудалдаа байрлан амарна.

Оройн хоолтой

Өдөр 2

Яманаши муж - Фүжи уул

Өглөөны цайны дараа өрөөгөө хүлээлгэж өгөөд автобусаар Фүжи уулын алдартай 2500 метрийн өндөрт байрлах 5-р зогсоол дээр гарна. Энд Фүжи уул руу авирах сургалт семинар зохион байгуулагдана. Орой 19:00 цагт авиралтын аялал эхэлнэ. Орой уулын 8-р тавцан дээр байрлан хононо.

Өглөө, Өдөр боолт, Орой хөнгөн хоол

Өдөр 3

Фүжи уул

Энэ өдөр шөнийн 03:00 цагт босож авиралтын бэлтгэл хийнэ. 05:00-06:00 цагийн үед Фүжи уулын орой дээр гарч нар мандахыг харна. Үүний дараа уулнаас буугаад 2500 метрийн өндөр 5-р тавцан дээр өдрийн хоол иднэ. Түүний дараа автобусаар буцаж Японы уламжлалт халуун рашаанд орж амарна. Дараа нь Яманака нуурт очиж Фүжи уулыг бүтнээр нь оруулан зургаа даруулна. Орой Чиба хотын зочид буудалд байрлан амарна.

Өглөө боолт, Өдөр, Оройн хоолтой

Өдөр 4

Яманаши муж - Токио хот - Нарита

Өглөөний цай зочид буудалд ууна. Түүний дараа өрөөгөө хүлээлгэж өгөөд Токио хотын аялалд явна. Аяллын эхний газар бол Асакүса дүүрэгт байдаг шинто шашны эртний Буддын Сэнсожи сүмд очно. Дараа нь Скай Три цамхгийн 350 метрийн өндөрт 50 секундэд гарна. Үүний дараа хамгийн үнэтэй дүүрэг Гинзад очно. Мөн Шибүяа руу явж Хачико нохойны хөшөө, олон хүн гардаг уулзвар гарцыг харна . Орой Наритагийн зочид буудалд байрлан амарна.

Өглөө Өдөр Оройн хоолтой

Өдөр 5

Нарита - Улаанбаатар

Өглөөний цай зочид буудалд уугаад өрөөгөө 09:30 цагт хүлээлгэж өгнө. Үүний дараа ачаагаа шалгаад Нарита нисэх онгоцны буудал руу шатал автобусаар 15 минут яваад бууна. Онгоцны бүртгэл 12:30 цагаас эхлэх ба энэ хугацаанд дэлгүүр орж болно. Нислэг 15:30 цагт, Улаанбаатарт 20:00 цагт бууна. Аялал энэ хүртэл үргэлжлээд дуусна.

Өглөө хоолтой

Аяллын зардал

Бүгд багтсан

•Онгоцны нислэг 2 талдаа

•Зочид буудлын 1 өрөөнд 2-оор байрлах зардал. Өглөөний цай Япон маягийн хоолнууд байна. Хэрэв өрөөнд ганцаар байрлах бол нэмэлтээр 800,000₮ төлнө.

•Фүжи ууланд гарах хөтөлбөр

•Аяллын автобусны үйлчилгээ - албан ёсны зөвшөөрөгдсөн ногоон дугаартай

•Төлбөртэй үзвэр, үйлчилгээний хөлс

•Бүх хоолнууд

•Монгол хэлтэй хөтөч-орчуулагч, тайлбарлагч

•Японы визний хураамж - туршлагатай компанийн мэдүүлэг

•Гэнэтийн ослын гадаад аяллын даатгал

Аяллын зардалд багтаагүй

•Хөтөлбөрт ороогүй хоол

•Аяллын хугацаанд нэмэлтээр захиалах ундаа, алкохолны төрлийн уух зүйлс

Тусгай аялал

Фүжи уулын авиралтын бэлтгэл

Грийнэст трэвел компанийн зүгээс Фүжи уул руу авирахын өмнө мэргэжлийн хүний зөвлөгөө, сургалт, тайлбар, бэлтгэлийг зохион байгуулж байгаа бөгөөд үүний зэрэгцээ дараах зөвлөмжийг хүргэж байна.

🩺 Авиралтын бэлтгэл ба биеийн байдал

Зүрх, уушиг, даралттай холбоотой өвчтэй бол авирахаасаа өмнө эмчтэйгээ зөвлөлдөнө үү. Яарахгүй, тогтмол хурдтай алхаж, ус хангалттай ууж яваарай — толгой өвдөх, дотор муухайрах шинж илэрвэл шууд амарч, шаардлагатай бол буугаарай. Зуны улиралд ч оргил орчимд температур 0°C хүртэл буурч, хүчтэй салхи, бороо орох тул дулаан, ус нэвтэрдэггүй хувцас заавал авч яваарай.

🥾 Хэрэгсэл ба зам дээрх дүрэм

Хальтирдаггүй ултай уулын гутал, дулаан хувцас, толгойн чийдэн, уулын таяг, өөрийн эд зүйлээ хийх үүргэвч зэрэг хэрэгслийг заавал бэлдээрэй — эдгээрийг түрээслэх боломжтой. Мөн цэвэр ус, энерги нөхөх хүнс (шоколад, самар, энергийн бар зэрэг)-ээ өөрөө авч яваарай. Зөвхөн тэмдэглэсэн замаар хөтөчийн зааврын дагуу явж, хальтрахгүй байхад анхаараарай.

🌱 Байгаль хамгаалал ба цаг төлөвлөлт

Фүжи уул нь дэлхийн өвд бүртгэгдсэн үнэт байгалийн өв тул гаргасан бүх хогоо буцаан авч бууна. Нар мандахыг үзэхээр шөнөжин, амралгүй авирах нь осол, өндрийн өвчний эрсдэлийг нэмэгдүүлдэг тул авиралтын хугацаагаа зөв төлөвлөөрэй.

🎯 Шийдвэр өөрийнхөө гарт

Онцгой байдлын үед аврах ажиллагаа цаг агаараас шалтгаалж хойшлогдож болох тул өөрийн аюулгүй байдлыг эн тэргүүнд бодож шийдвэр гаргаарай. Оргилд хүрэхээс илүүтэй аюулгүйгээр буцаж ирэх нь хамгийн чухал — бие тавгүйтвэл эсвэл цаг агаар огцом өөрчлөгдвөл эргэлзэлгүй буцах болно.