Токио - Фүжи - Хаконэ

Аяллын эхний өдөр Чингис Хаан ОУ-ын нисэх онгоцны буудал дээр өглөөний 04:00 цагт цуглана. OM501 дугаартай МИАТ компанийн онгоц 07:45 цагт хөөрч Япон улсын Нарита ОУ-ын нисэх онгоцны буудал дээр 13:40 цагт бууна. Хилээр гарсны дараа Японы аяллын компанийн хөтөчтэй уулзан автобусаар Чиба хотод байрлах далайн эргийн халуун рашааны зочид буудал руу явна. Ойролцоогоор 2 цаг орчим явах ба 17:30 цагийн үед халуун рашааны зочид буудалд  байрлан амарна. Оройн хоол буфетээр буудалдаа иднэ.

Хоол: Өдөр /онгоц/ Орой

Өглөөний цай зочид буудалдаа уугаад өрөөгөө хүлээлгэж өгнө. Энэ өдөр Чиба хотод байдаг Камогава далайн амьтадын аквариум үзнэ. Мөн Нокогири уулан дээр гарч Жигокүнозоки гэдэг газар очиж Японы байгалийн сайхныг харна. Дараа нь усан онгоцонд сууж Чиба мужаас Канагава муж руу 11км буюу 40 орчим минут далайгаар аялна. Усан онгоцноос буугаад автобусаар энэ өдөртөө Фүжи уул байдаг Яманаши мужид очиж зочид буудалд байрлан амарна.

Хоол: Өглөө Өдөр

Өглөөны цайны дараа товлосон цагтаа цуглараад автобусаар  Фүжи уулын Шибазакура хаврын сакура цэцгийн эвент үзнэ. Үүний дараа Фүжи уулын алдартай таван том нуурын нэг Юнескод бүртгэгдсэн Кавагүчи нуур руу явна. Энэ нуурын Ойши цэцэрлэгт хүрээлэн нь цэцэгсийн хамт Фүжи уулыг бүтнээр нь оруулан  зураг даруулах алдартай газар юм. Үдээс хойш Готэнба аутлетийн том худалдааны төвд очно. 210 гаруй брэндийн дэлгүүрүүд төвлөрсөн аутлетэд таксгүй худалдан авалт хийх боломжтой. Орой зочид буудалдаа амарна.

Хоол: Өглөө Өдөр

Өглөөний цайгаа зочид буудалдаа ууна. Дараа нь өрөөгөө хүлээлгэж өгөөд автобусаар Мишима Скай Вок 400 м урттай Японы хамгийн урт гүүрээр алхана. Түүний дараа Японы хамгийн алдартай Юнескод бүртгэгдсэн Хаконэд очно. Энд  Ашиноко нуураар усан онгоцоор аялж, Хаконэгийн бэлэг тэмдэг энхийн хаалган (Улаан тори хаалга) дээр байгалийн сайханд зургаа даруулан Удакувани халуун рашаантай ууланд очиж 7 насаар урт наслуулдаг домог ярианы түүхтэй Хар өндөг байдаг газарт очно. Орой зочид буудалд байрлан амарна.

Хоол: Өглөө Өдөр

Өглөөний цай зочид буудалдаа ууна. Энэ өдөр чөлөөт хөтөлбөртэй . (Унаа, хоолны үйлчилгээ байхгүй ч хөтөч үйлчлэх тул нийтийн тээвэрт сууж үзэх, худалдаа хийх зэрэг чөлөөт маягаар цагийг өнгөрүүлээрэй).    

Хоол: Өдөр   

Өглөөний цай зочид буудалд ууна. Түүний дараа өрөөгөө хүлээлгэж өгөөд Токио хотын аялалд явна. Аяллын эхний газар бол Асакүса дүүрэгт байдаг шинто шашны эртний Буддын Сэнсожи сүмд очно. Энэ сүмийн эргэн тойронд дэлгүүр  худалдаа, мөн Японы соёлын өв уламжлалтай холбоотой бэлэг дурсгал их байна. Дараа нь Скай Три цамхгийн 350 метрийн өндөрт 50 секундэд гарна. Үүний дараа өдөрт хэдэн сая хүн зөрдөг уулзвар гарцтай Токио хотын хамгийн нэртэй Шибүяа галт тэрэгний буудалд очно. Энд Хачико нохойны хөшөө болон хоол, худалдааны дэлгүүр, мол маш их байдаг их хөл хөдөлгөөнтэй газар юм. Орой зочид буудалд байрлана.

Хоол: Өглөө Өдөр

Өглөөний цай зочид буудалдаа уугаад өрөөгөө хүлээлгэж өгнө. Энэ өдөр Японы Точиги муж руу явна. Энд том худалдааны төв орно. Дараа нь Японы уламжлалт халуун рашаан спа-д орно. Японы халуун рашаа нь хүний арьсыг зөөлрүүлж залуужуулдаг. Орой Нарита ОУ-ын нисэх онгоцны буудлын зочид буудалд байрлан амарна.

Хоол: Өглөө Өдөр

Өглөөний цай зочид буудалд уугаад өрөөгөө 09:30 цагт хүлээлгэж өгнө. Үүний дараа ачаагаа шалгаад Нарита нисэх онгоцны буудал руу шатал автобусаар 15 минут яваад бууна. Онгоцны бүртгэл 12:30 цагаас эхлэх ба энэ хугацаанд дэлгүүр орж болно. Нислэг 14:40 цагт, Улаанбаатарт 19:15 цагт бууна. Аялал энэ хүртэл үргэлжлээд дуусна.

Хоол: Өглөө Өдөр /Онгоц/