Гадаад аялал
Грийнэст Трэвел
ИХ АЯЛЖ, ИХИЙГ МЭДЭРЬЕ
Шинэ жилийн аялал / 7 шөнө 8 өдөр
12 сарын 27 - 1 сарын 3
Бүртгэж байна.
Эхний аялал замдаа гарлаа.
Манай компани үүсгэн байгуулагдсанаас хойш анхны групп аяллын захиалгаа авч Япон улсад монгол аялагчдаа аялуулхаар дагуулан явсан. Бид 6 шөнө 7 өдрийн тусгай аяллын маршрутаар Токио хот, Фүжи уул, Хаконэ зэрэг Япон улсын аялал жуулчлалын нэртэй газруудаар амжилттай аялуулаад ирлээ.
5 сарын 3
Япон улсаас ирсэн зочидоо хүлээж авлаа.
Монгол улсад аялахаар ирсэн Япон жуулчдаа хүлээн авч аяллын үйлчилгээ үзүүллээ. Нийт 4 шөнө 5 өдрийн аялалд Монгол орны талаар танилцаж аялан цагийг зугаатай сайхан өнгөрүүллээ. Энэхүү аялалд оролцсон хөтөч тайлбарлагч, хамтран ажилласан байгууллага хувь хүмүүстэй талархаж байна.
5 сарын 24
Байгальд ээлтэй үйл ажиллагаа.
Грийнэст трэвел ХХК нь Блокчейн Эко Парк ХХК- тай хамтран аяллын ашиг орлогоос аялагч нартаа зориулж мод тарьж төгөл үүсгэх зорилготой ажиллахаар гэрээ байгууллаа. Анхны зорилтот модны тоогоор захиалгаа өгч модны үйл явцаа хянах үйлчилгээг Трийлингс апликейшнээр дамжуулан авахаар бүртгүүллээ. Байгальд бага зэрэг ч гэсэн хувь нэмрээ оруулж хүчил төрөгчийг бий болгох эхний ажил маань эхэлж байгаад баяртай байна. Цаашдын үр дүнгийн талаар мэдээлэл оруулах болно.
5 сарын 31
Грийнэст трэвел ХХК анхны 20 мод суулгалаа.
"Грийнэст Трэвел" ХХК Налайх дүүргийн 5-р хороонд хэрэгжиж буй "Орших Хүрээлэн" ойжуулах төслийн хүрээнд байгууллагын нэрийн төгөлд 3 настай, 30 см орчим өндөртэй 20 ширхэг шинэс мод суулгав. Энэхүү 20 га талбайд нийт 30,000 мод тарьж ургуулах зорилттой төсөл одоо 3 дахь жилдээ хэрэгжиж байгаа бөгөөд өнөөдрийг хүртэл нийт 15,000 мод тарьсан байна.
"Грийнэст Трэвел" цаашид зохион байгуулах аялал бүрээс мод суулгаж, энэ ногоон санаачилгаа тогтмол үргэлжлүүлэх төлөвлөгөөтэй байна.
"Их аялж, ихийг мэдэрье"
6 сарын 25
Японы виз мэдүүлгийн хураамж 2026.07.01-нээс шинэчлэгдэнэ.
Японы Элчин Сайдын Яамны цахим хуудсанд, 2026 оны 7-р сарын 1-нээс эхлэн консулын үйлчилгээний хураамж шинэчлэгдэх тухай мэдээлсэн байна. Виз (мэдүүлэг 6-р сарын 30-наас, eVISA 6-р сарын 29-ний 17:00 цагаас хойш):
- Энгийн нэг удаагийн виз: 71,000₮ → 357,000₮+VFS визний төвийн үйлчилгээний хураамж
- Олон удаагийн виз: 143,000₮ → 714,000₮+VFS визний төвийн үйлчилгээний хураамж
- Дамжин өнгөрөх виз олголтыг зогсооно.
Эх сурвалж: https://www.mn.emb-japan.go.jp/itpr_ja/consulfee_00001.html
6 сарын 25
SUPER GIFT GIVEAWAY-ийн азтанууд тодорлоо!
Манай компанийн 8 дугаар сарын 25-29-ний өдрүүдэд зохион байгуулагдах Фүжи уулын авиралтын аяллыг сурталчлах, мөн аялагч дагагчаа нэмэх зорилгоор нэг сарын хугацаатай зарласан "Greenest Travel Super Gift Giveaway" уралдаан амжилттай өндөрлөж, гурван азтан тодорлоо. Энэхүү уралдаанд идэвхтэй оролцож, бүх болзлыг ханган азаа сорьсон азтнууд маань өнөөдөр биечлэн хүрэлцэн ирж, шагналаа гардан авлаа.
🏆 ШАГНАЛЫН ЭЗЭД:
- 🥇 1-р байр: Apple Watch Series 11
- 🥈 2-р байр: AirPods Pro 3
- 🥉 3-р байр: Tokyo Disneyland-ийн тасалбарын эрх
"Greenest Travel Super Gift Giveaway" аянд идэвхтэй хамрагдаж, өрсөлдсөн, дэмжсэн та бүхэндээ бид чин сэтгэлээсээ талархаж байна. Мөн энэ завшаанд шагналыг спонсорлосон ICase Accessories shop дэлгүүрийн хамт олон болон манай аяллуудыг сурталчлах ажилд байнга дэмжин, хамтран ажилладаг Томоко танд онцгой талархал илэрхийлье.
2026.08.22
ТӨВ АЗИЙН III ОРГАНИК ФОРУМ БА ЭКСПО – 2026
2026 оны 8 дугаар сарын 29-30-нд Улаанбаатар хотноо болсон "Төв Азийн III дугаар Органик Форум ба Экспо – 2026" арга хэмжээг дэмжиж, хамтран ажиллах түнш болж "Грийнэст Трэвел" ХХК оролцлоо.
Байгаль орчинд ээлтэй, тогтвортой аялал жуулчлалыг хөгжүүлэх зорилготойгоо уялдуулан бид энэхүү форумд дэмжлэг үзүүлж, оролцсондоо баяртай байна.
2026.09.04
